भदौ ३०, काठमाडौँ ।
नेपाली काँग्रेसले समानुपातिकतर्फका उम्मेदवारको सूची बनाउँदा क्लष्टरको आधारमा छनोट गर्ने जिम्मेवारी आठ सहमहामन्त्रीलाई दिएको छ ।
कार्यसम्पादन समितिको बैठकले समावेशीताको आधारमा सूची तय गर्नका लागि अध्ययन गरी रिपोर्ट बुझाउने अधिकार सहमहामन्त्रीहरूलाई दिएको छ ।काँग्रेसमा समावेशिताको क्लष्टर अनुसार महामन्त्री चुनिएका छन् । उनीहरूले आफ्नो आफ्नो क्लष्टरको सूची बनाउने जिम्मा पाएका हुन् ।
समावेशिताको क्लष्टर र पार्टीले बनाएको मापदण्डलाई आधार बनाएर नाम अर्को बैठकमा प्रस्तुत गर्ने निर्णय भएको नेता अर्जुनरसिंह केसीले बताउनुभयो । उहाँले आएको नामहरूमा क्लष्टर र मापदण्ड हेरेर को कसलाईलाई प्राथमिकता दिने भनेर सहमहामन्त्रीहरूले रिपोर्ट बुझाउने पनि बताउनुभयो ।
समावेशिताका लागि मुस्लिम, थारु, महिला, जनजाति, मधेसी, खस आर्य, पिछडिएको क्षेत्र र दलित गरी आठ क्लष्टर छन् ।
