मा प्रकाशित
भदौ ३०, दाङ ।
नेपालमा गत २४ घन्टामा थप १ सय २६ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार गत २४ घन्टामा देशभर ३ हजार७ सय ९० कोरोना परीक्षण गर्दा १ सय २६ जनामा सङ्क्रमण पुष्टि भएको हो ।
मन्त्रालयका अनुसार गत २४ घन्टामा आरटी पिसिआर विधिबाट १ हजार ६ सय ७४ कोरोना परीक्षण गर्दा ७५ जनामा र २ हजार १ सय १६ एन्टिजेन विधिबाट परीक्षण गर्दा ५१ जनामा सङ्क्रमण पुष्टि भएको हो ।
गत २४ घन्टामा देशभर रहेका सक्रिय सङ्क्रमितमध्ये थप १ सय ३७ जना स्वस्थ भएका छन् भने मृत्यु कसैको पनि भएको छैन । हाल देशभर सक्रिय सङ्क्रमितको सङ्ख्या २ हजार १ सय २९ रहेको छ ।
