सिट बाँडफाँड गर्न सत्ता गठबन्धनको बैठक आज पनि बस्दै

असोज ५, काठमाडौँ ।
मङ्सिर ४ गतेका लागि तोकिएको प्रदेश र प्रतिनिधि सभा निर्वाचनमा सिट बाँडफाँड गर्न सत्ता गठबन्धनको बैठक आज पनि बस्दैछ ।

बैठक प्रधानमन्त्रीको सरकारी निवास बालुवाटारमा बिहान ८ बजेका लागि बोलाइएको छ । आजको बैठकमा दलहरूबीच सबै सिटमा भागबण्डा मिल्ने दाबी गरिएको छ ।

सरकारका प्रवक्तासमेत रहेका काँग्रेस नेता ज्ञानेन्द्र बहादुर कार्कीले छलफल सहमति नजिक पुगेकाले आजको बैठकबाट सहमति हुने दाबी गर्नुभएको छ । उहाँका अनुसार १ सय ६५ सिटमा ८० प्रतिशतमा सहमति नजिक पुगेको उहाँको भनाइ छ ।