दाङ, ६ असोज
विजयादशमी तथा दीपावलीको अवसरमा घोराहीमा युगल सांगितिक साँझ हुने भएको छ । हिन्दुहरुको महान् पर्व विजयादशमी तथा शुभ दीपावली–२०७९ का अवसरमा घोराहीमा सांगीतिक साँझ हुने भएको हो । ॐ संगीत कला केन्द्र घोराहीको आयोजनामा घोराहीमा सांगीतिक साँझ हुने भएको हो ।
आयोजक ॐ संगीत कला केन्द्र घोराहीले आज बिहीवार घोराहीमा पत्रकार सम्मेलन गरेर कार्यक्रमबारे जानकारी दिएको हो । सुगम संगीतका वरिष्ठ कलाकारहरु उदय सोताङ र मनिला सोताङ युगल सांगितिक साँझ हुने आयोजकले जानकारी दिएको छ ।
साविक राप्तीमै पहिलो पटक यो जोडीको सांगितिक साँझ आयोजना गरिएको आयोजक ॐ संगीत कला केन्द्र घोराहीका संयोजक राजेन्द्र दाहालले जानकारी दिनुभयो । असोज १६ गते फुलपातीका दिन घोराहीको माला ईन होटलमा बेलुका साढे ५ बजेदेखि कार्यक्रम हुने आयोजक संस्थाले बताएको छ।
कार्यक्रममा प्रवेशका लागि ५ सय र १ हजार रुपैयाको टिकटको व्यवस्था गरिएको संयोजक दाहालले जानकारी दिनुभयो । ‘दशैको बेलामा शुभकामना आदानप्रदान गर्ने अवसर पनि र सांगितिक माहोल श्रृजना गर्ने उद्धेश्यकासाथ यस कार्यक्रमको आयोजना गरिएको हो’ दाहालले भन्नुभयो– ‘यो कार्यक्रम सफल बनाउनका लागि सबैको साथ सहयोग र सकारात्मक सल्लाहको पनि अपेक्षा गरेका छौँ ।’
