मा प्रकाशित
एजेन्सी ।
सिरियाका विभिन्न क्षेत्रमा हैजाको प्रकोपका कारण कम्तीमा २९ जनाको मृत्यु भएको छ। जसलाई संयुक्त राष्ट्र सङ्घले युद्धग्रस्त देशमा वर्षौंदेखिको सबैभन्दा खराब प्रकोप भनेको छ।सिरियाली स्वास्थ्य मन्त्रालयले जारी गरेको एक विज्ञप्तिमा द्रुत मूल्याङ्कन परीक्षणले गत महिना पहिलो पटक हैजाको प्रकोप देखिएको पुष्टि गरेको छ ।
अलेप्पो प्रान्तमा मात्रै २ सय ३०सङ्क्रमित देखापरेकोमा २५ जनाको मृत्यु भएको पुष्टि भएको थियो । संयुक्त राष्ट्र सङ्घले सिरियामा हैजा प्रकोप दूषित पानी प्रयोग गरेर बाली सिँचाइ गर्नु र सिरियालाई उत्तरबाट पूर्वमा विभाजन गर्ने यूफ्रेटिस नदीको असुरक्षित पानी पिउनाले फैलिएको हुनसक्ने बताएको छ ।
