मा प्रकाशित
असोज १३, काठमाडौँ ।
नेपालमा डेङ्गी रोगका कारण मृत्यु हुनेको सङ्ख्या बढ्दै गएकोमा स्वास्थ्य विज्ञहरूले चिन्ता व्यक्त गरेका छन् । स्वास्थ्य तथा जनसङ्ख्या मन्त्रालयका अनुसार हालसम्म देशभर २७ हजारभन्दा बढी मानिस डेङ्गी सङ्क्रमित भएकोमा ३६ जनाको मृत्यु भएको छ ।
यसअघि, २०७६ मा डेङ्गीका कारण ७ जनाको मृत्यु भएको सरकारले बताएको थियो । यसपटक भने मृतकको सङ्ख्या बढेकोमा विज्ञहरू चिन्तित बनेका छन् । सीआईएनसँग कुराकानी गर्दै स्वास्थ्य विज्ञ डा.भोजराज अधिकारीले दोहो¥याएर डेङ्गी लागेको खण्डमा थप जटिल हुने भएकाले सतकर्ता अपनाउन आग्रह गर्नुभयो ।
कोरोना सङ्क्रमणका कारण हिजो १ जनाको मृत्यु भएको पनि मन्त्रालयले जनाएको छ । सरकारले कोरोनाको जोखिम पनि कायमै रहेकाले सतर्क रहन समेत आग्रह गरेको छ ।
