आज नवरात्रको पाँचौँ दिन : स्कन्दमाताको पूजा गरिँदै

असोज १४, दाङ ।
नवरात्रको पाँचौँ दिन, आज स्कन्दमाताको पूजा, आराधना गरिँदैछ। नवरात्रमा प्रत्येक दिन एक–एक देवीको आराधना गर्ने परम्परा छ। त्यसअनुसार आज स्कन्दमाता भगवतीको पूजा गरिँदैछ ।

स्कन्दकुमार (कुमार) को माता भएकाले यिनको नाम स्कन्दमाता भएको पुराणहरूमा उल्लेख छ। गोरो वर्ण चार हात भएको स्कन्दमाताको काखमा ६ मुख भएका स्कन्दकुमार छन् । कमलको आसनमा बसेको हुनाले स्कन्दमातालाई पद्मासना पनि भनिन्छ

। घटस्थापना गरिएको स्थान वा विभिन्न शक्तिपीठमा पुगेर श्रद्धालुहरूले शक्तिस्वरूपा भगवतीको आरधना गर्दछन् ।