मा प्रकाशित
असोज १४, दाङ ।
नेकपा एमालेले आउँदो मङ्सिर ४ गते हुने प्रतिनिधि सभा र प्रदेश सभा निर्वाचनका लागि प्रत्यक्षतर्फका उम्मेदवार चयन गर्ने जिम्मा अध्यक्ष केपी शर्मा ओलीलाई दिएको छ। गएराति अबरेसम्म अध्यक्ष ओलीको निवास बालकोटमा बसेको सचिवालय बैठकले उम्मेदवारको अन्तिम निर्णय गर्ने अधिकार ओलीलाई दिने निर्णय गरेको हो ।
आवश्यक परामर्शमा अध्यक्ष ओलीलाई उम्मेदवारको अन्तिम तय गर्ने अधिकार दिइएको एमालेले जनाएको छ । तल्ला कमिटीबाट सिफारिस भएर आएका सबैको नाममा छलफल भएको र एकल रूपमा सिफारिस भएका नाममा पनि छलफल भएको छ । तर, कुनै ठोस निर्णय भने नभएको सचिव पद्मा अर्यालले बताउनुभयो ।
