मा प्रकाशित
असोज १९, दाङ ।
आज बडादसैँको मुख्य दिन विजयादशमी, मान्यजनको हातबाट टीका, जमरा र आर्शिवाद लिएर मनाइदैछ ।
नेपालपञ्चाङ्ग निर्णायक समितिले बिहान ११ बजेर ५१ मिनेटमा टीकाको उत्तम साइत रहेको जनाएको छ । तर त्यसअघि बिहान १० बजेर ३४ मिनेटमा देवी विसर्जन गरेपछि जुनसुकै बेलामा टीका लगाउन सकिने समितिका अध्यक्ष श्रीकृष्ण अधिकारीले बताउनुभयो । उहाँका अनुसार आज दिनभरमा टीकाको उत्तम साइत बिहान ११ बजेर ५१ मिनेटमा हो तर टाढा जानुपर्नेहरूलाई भने साइतले छेक्दैन ।
शुभसाइतमा सबैको हातबाट टीका ग्रहण गर्न नसकेकाहरुले पूर्णिमाका दिनसम्म नै मान्यजनको हातबाट टीका लगाउन सक्नेछन् ।
देवीको प्रसादका रूपमा कोजाग्रत पूर्णिमाका दिनसम्म मान्यजनबाट टीका, जमरा र आशीर्वाद थाप्न सकिने पनि उहाँले बताउनुभयो । तर यसपाली झरी परेकाले मानिसको चहलपहल अलि कम छ ।
