मा प्रकाशित
असोज २०, दाङ ।
दुई दिनदेखि परेको अविरल वर्षाका कारण नारायणी र बाँकेको पश्चिम राप्ती तथा बर्दियाको बबई नदीको बाढीले सतर्कताको तह नाघेका छन् । बाढी सूचना केन्द्रले आज बिहान ६ः२० बजे दिएको जानकारी देवघाट बाढी मापन केन्द्रमा जलसतहले सतर्कताको तह पार गरेको हो । नारायणी जलाधार क्षेत्रमा थप वर्षा भइरहेको र जल सतह बढ्दो क्रममा रहेकाले तटीय क्षेत्रमा जोखिमको सम्भावना रहेको छ ।
त्यस्तै केन्द्रका अनुसार पश्चिम राप्ती र बबई दुबै नदीमा जल सतह ६ मिटर नाघेको छ ।
राप्ती नदीमा ५.४० मिटर पुगेपछि खतरा मानिन्छ । राप्तीमा ६.२ मिटर पुगेको छ । यसैगरी बबई नदीमा ५.५० मिटर पुगेपछि खतरा मानिनेमा ६.१० मिटर पुगेको छ ।
