मा प्रकाशित
असोज २०, काठमाडौँ ।
नेपाली काँग्रेसको शेखर कोइराला समूहले प्रत्यक्षतर्फ टिकट वितरणलाई न्यायोचित बनाउन खबरदारी गरिराख्ने निर्णय गरेको छ ।
आज बसेको शेखर समूहका नेताहरूको बैठकले आफूहरूको खबरदारीका कारण समानुपातिकमा लाभ प्राप्त भएको ठहर गर्दै प्रत्यक्षतर्फ टिकट वितरणलाई न्यायोचित बनाउन खबरदारी गर्ने निर्णय गरेको हो ।
यस्तै बैठकले समानुपातिकको बन्दसूची संशोधनमा आंशिक सन्तुष्टि जनाएको छ । बन्दसूचीप्रति असन्तुष्टि जनाउँदै शेखर समूहले पार्टी कार्यालय, सानेपामा धर्ना समेत दिएको थियो ।
प्रारम्भीक सूचीमा १ सय १० जनामध्ये १३ जना मात्र शेखर समूहको थिए । जसमध्ये ८ जनाको सांसद बन्ने सम्भावना थिए । तर, १६ असोजमा बुझाइएको संशोधित सूचीमा भने शेखर समूहको थप नाम परेको छ ।
