मा प्रकाशित
असोज २२, दाङ ।
नेकपा एमालेले नेता भीम रावललाई टिकट नदिएपछि एमाले अछाममा विद्रोह भएको छ । जिल्लाबाट एकल सिफारिस भएपनि पार्टीले प्रतिनिधिसभामा टिकट नदिएपछि एमाले अछाम जिल्ला कमिटी सचिवालयका केहीसहित ४ सहित ३८ जनाले सामूहिक राजीनामा दिएका छन् ।
सामूहिक राजीनामा दिने नेताहरूले भदौ १९ गते रावलको नाम एकल सिफारिस भएको जिकिर गरेका छन् । उहाँको नाम एकल सिफारिस भए पनि केन्द्रबाट टिकट वितरण गर्दा तल्लो कमिटीले गरेको सर्वसम्मत निर्णयको बेवास्ता गरिएको नेताहरूको भनाई छ ।
तल्लो कमिटीको निर्णयविपरीत नेता, कार्यकर्ता र जनभावना विपरीत नेतृत्वले गरेको निर्णयको घोर भत्र्सना गर्दैसामूहिक राजीनामा दिएको उनीहरूले राजीनामा पत्रका उल्लेख गरेका छन् । एमालेले रावलको ठाउँमा झपट बोहरालाई उम्मेदवार बनाएपछि उनीहरूले विरोध गरेका हुन् ।
