युरोकप २०२४ को छनोट खेलको समूह विभाजन

असोज २४, दाङ ।
युरोकप २०२४ को छनोट खेलको समूह विभाजन भएको छ । युरोपियन फुटबलको सर्वोच्च निकाय यूईएफएले हिजो छनोटको समूह विभाजन गरेको हो ।

यूईएफएले छनोटमा सहभागी राष्ट्रलाई १० समूहमा विभाजन गरेको छ । जसमा साविक विजेता इटाली र उपविजेता इंग्ल्यान्ड एकै समूहमा परेका छन् । समूह ‘सी’ मा इटाली, इंग्ल्यान्डका साथै युक्रेन, नर्थ मासेडोनिया र माल्टा पनि रहेका छन् ।

छनोटका खेलहरू आगामी मार्च २३ बाट सुरु भएर २०२३ को नोभेम्बर २१ मा सकिनेछ । समूहको शीर्ष टोलीले जर्मनीमा आयोजना हुने युरोकपममा स्थान बनाउने छन् ।

आयोजक जर्मनी सिधै छनोट भईसकेको छ । तीन राष्ट्र नेसन्स लिगको प्ले अफबाट छनोट हुनेछ ।