दाङ, १ कार्तिक ।
दाङ क्षेत्र नं २(१)का उम्मेद्वार राजु खनालले जनतालाई भाषण नभएर काम चाहिएको बताए छन् । घोराही उप महानगरपालिका वडा नं १४ मा सम्पर्क कार्यालय उद्घाटन कार्यक्रममा उनले यस्तो बताएका हुन ।
गठवन्धनले जनताको आवश्यकता अनुसार काम गर्ने समेत उनले बताए । ‘गठवन्धनले जनताको भावना बुझेर अगाडि बढने छ ’ उनले भने । जनताको हितमा काम गर्ने गठबन्धनलाई विजयी बनाउन समेत उनले आग्रह गरे । विपक्षीहरुले गठवन्धन वलियो देखेर विभिन्न भ्रम फैलाउने गरेको भन्दै सचेत बन्न समेत आग्रह गरे । आफ्नो क्षेत्रको विकासका र नागरिकलाई अधिकार प्रदान गर्ने योग्य उम्मेदवारलाई मतदान गर्न आग्रह गरे । उनले दाङको विकासका लागि कांग्रेसको आवश्यकता रहेको भन्दै आउने निर्वाचनमा कांग्रेस नेतृत्वको गठबन्धनका उम्मेदवारलाई बिजयी गराउन समेत आग्रह गरेका थिए ।
देशलाई अशान्तिबाट बचाउनका लागि गठवन्धन गरेर अगाडि बढेको समेत स्पष्ट पारे । अहिलेको गठवन्धनले देशमा संविधानको रक्षा तथा शान्ति स्थापनको लागि काम गर्ने उनको भनाइ रहेको छ ।
