दाङ ८, कार्तिक ।
दाङकाे घाेराहीमा तीन फर्निचरमा आगलागी भएर कराेडाैँ क्षति भएकाे छ । मध्यरातमा आगलागी भएपछि घाेराही १५ सहिद उमेश मार्गमा अवस्थित न्यू दाजुभाइ, दाजुभाइ, ओम प्रकृति फनिचर उद्योग र स्टार दाजुभाइ चार वटा फर्निचर उद्योगमा आगलागी भएर पूर्ण रूपमा नष्ट भएका छन् ।
घाेराहीकाे सहिद उमेश मार्ग राेडमा रहेकाे तीन वटा फर्निचर उद्याेगमा लागेकाे आगाे नियन्त्रणका लागि वडा नं.१५ का वडाअध्यक्ष रमेशकुमार पाण्डे रातभर खटेका छन् ।
राति जानकारी पाएपछि घटनास्थलमा पुगेका पाण्डे आगाे पूर्ण नियन्त्रण हुँदासम्म फिल्डमा क्रियाशील मात्र रहेनन् आफैं आगाे नियन्त्रणका लागि पानीका पाइप साेझ्याउन समेत सक्रिय रहे ।
`आगलागी भए लगत्तै मैले खबर पाएँ, खबर पाउनसाथ म घटनास्थल आएँ । आगाे नियन्त्रण कार्य जारी थियाे । दमकलले पानीका फाेहाेरा फ्याँकिरहेका थिए । मैले जेसिभि मगाएर वरपरका घरलाई सुरक्षित राख्नका लागि सटेका टहरा भत्काउन थाल्याैँ । आगलागी भइसकेकाे पछिल्लो भागमा पुग्न दमकललाई बाटाे थिएन, जेसिभिले तत्काल बाटाे बनायाे र पछाडिकाे स्थानसम्म पुग्न दमकललाई सजिलाे भयाे ।´ वडाध्यक्ष पाण्डेले भने ।
नेपाल प्रहरी, सशस्त्र प्रहरीले घाेराही उपमहानगरपालिका, तुलसीपुर उपमहानगरपालिका र लमही नगरपालिकाकाे सहयाेगमा आगाे पूर्ण नियन्त्रण गरिएकाे हाे ।
विद्युत सर्ट भएर आगलागी भएकाे प्रहरीले जनाएकाे छ ।
आगलागी स्थलमा घाेराही उपमहानगरपालिकाका विपत् व्यस्थापन समितिका काेही पनि उपस्थित नभएकाे स्थानीयबासीले बताए । ` वडा नं. १५ का वडाध्यक्षबाहेक कुनै जनप्रतिनिधि पनि देखिनु भएन । रातभर वडाध्यक्ष पाण्डे मात्र स्थानीय र प्रहरी प्रशासनकाे साथमा रहेर आगाे नियन्त्रणमा लागिरहनुभयाे ।´ एक स्थानीयले बताए ।
