दाङ, ८ कार्तिक ।
नेपाली कांग्रेसका नेता एवं प्रदेश सभा सदस्य क्षेत्र नम्बर २ (१) का उमेद्वार राजु खनालले सोमवार राति घोराहीमा भएको आगलागीको घटनाप्रति दुःख व्यक्त गरेका छन् ।
खनालले पत्रकारहरुसँग कुरा गर्दै लक्ष्मीपूजाको राति घोराही उपमहानगरपालिका वडा नम्बर १५ सहिद उमेश मार्गमा रहेको फर्निचर उद्योगमा भएको आगलागीप्रति दुःख व्यक्त गरेका हुन् । उनले हिन्दुहरुको महान् पर्व शुभ–दिपावलीको संघारमा यस्तो घटना घट्नुले आफूलाई अत्यन्तै दुखित् बनाएको बताए।
आगलागीबाट ६५ बढी मजदुर कार्यरत तीन वटा फर्निचर उद्योग, खाजाघरमा पूर्ण रुपमा जलेर करोडौँको क्षति हुनु र वरिपरिका घरहरुमा पनि ठुलो क्षति हुनु दुःखद् भएको बताएका छन् ।
साथै उनले आगलागी पिडीतहरुलाई राहतको व्यवस्था गर्न सरोकारवालाहरुसँग अनुरोध गरेका छन् ।
सोमवार राति भएको आगलागीबाट दाजुभाइ फर्निचर उद्योग, न्यू दाजुभाइ फर्निचर उद्योग, ओम प्रकृति फनिचर उद्योग र स्टार फर्निचर उद्योगसँगै सटेको एक खाजाघरमा पूर्ण रुपमा क्षति हुनु र वरिपरिका घरहरुमा पनि ठुलो क्षति भएको छ ।
