इटहरीमा मोटरसाइकल र स्कुटर ठोक्किँदा ३ जनाको मृत्यु

इटहरी, १२ कार्तिक ।
इटहरीमा मोटरसाइकल र स्कुटर ठोक्किँदा ३ जनाको मृत्यु भएको छ । हिजो बेलुका विराटनगर–इटहरी सडकखण्डअन्तर्गत सुनसरीको इटहरीमा को ४ प १४१० नम्बरको मोटरसाइकल र प्रदेश १–०२–०४१ प ४४११ नम्बरको स्कुटर ठोक्किएको प्रहरीले बताएको छ ।

प्रहरीका अनुसार दुर्घटनामा परेर मोरङको बूढीगङ्गा गाउँपालिका १ का ३० वर्षका ओजराज लुइटेल, धरान उपमहानगरपालिका–१५ का ४० वर्षका राजन राई र ३२ वर्षका शम्भु राईको मृत्यु भएको हो ।

दुर्घटनामा घाइते भएका तीनै जनाको उपचारका क्रममा विराटनगरस्थित आर्य न्युरो अस्पतालमा मृत्यु भएको प्रहरीले जानकारी दिएको छ ।