प्रधानमन्त्री कप एक दिवसीय पुरुष राष्ट्रिय क्रिकेट प्रतियोगिता आजदेखि सुरु हुँदैछ । आज किर्तिपुरमा सशस्त्र प्रहरीको एपिएफ क्लब र त्रिभूवन आर्मी क्लब बिहान साढे ९ बजे खेल्नेछन् । यस्तै बिहान साढे ९ बजे नै नेपाल पुलिस क्लव र बागमती प्रदेश मुलपानी मैदानमा खेल्नेछन् ।
कीर्तिपुर र मुलपमानी क्रिकेट मैदानमा आउँदो २६ गतेसम्म हुने प्रतियोगितामा सात प्रदेश र तीन विभागीय गरी १० टोली सहभागी हुने छन् । १ करोड ५० लाख रूपैयाँको लागतमा हुने प्रतियोगितामा ६० लाख रूपैयाँ राष्ट्रिय खेलकुद परिषद्ले उपलब्ध गराउने कार्यवाहक सचिव प्रशान्तविक्रम मल्लले जानकारी दिनुभयो ।प्रतियोगिताको विजेताले १० लाख, उप–विजेताले ५ लाख र सेमिफाइनल पुग्ने टीमले ५० हजार रूपैयाँ पाउनेछन् ।
यस्तै उत्कृष्ट खेलाडीले ५० हजार, उत्कृष्ट बलर र ब्याट्सम्यानले जनही २० हजार रूपैयाँ र इमर्जिङ प्लेयरले १० हजार रूपैयाँ पाउनेछन् ।यसैगरी हरेक खेलका प्लेयर अफ द म्याचले ५ हजार रूपैयाँ पाउनेछन् ।
