काठमाडौँ, २१ कार्तिक ।
विश्वभरबाट महिला नेतृहरुले भाग लिने ‘रेक्युभिक ग्लोबल फोरम’ मा सहभागिता जनाउन आज साँझ राष्ट्रपति विद्यादेवी भण्डारी आइसल्यान्डको रेक्युभिकमा जाँदै हुनुहुन्छ । परराष्ट्र मन्त्रालयको अनुसार कार्यक्रम आजदेखि कात्तिक २४ सम्म हुनेछ । उक्त फोरम आइल्यान्डको सरकारको महिला राजनीतिक नेतृत्व (डब्लुपीएल) र आइसल्यान्डको संसदको सह–आयोजक हुन लागेको हो ।
टोलीमा राष्ट्रपति कार्यालयका सचिव यादव कोइराला, परराष्ट्र सचिव भरतराज पौड्यालसहित राष्ट्रपति कार्यालय, प्रधानमन्त्री कार्यालय र परराष्ट्र मन्त्रालयका अधिकारीहरू गरी १७ सदस्यीय टोली हुनेछ ।
सन् २०१८ मा सुरु गरिएको फोरममा राजनीतिक, व्यवसाय, नागरिक समाज, शिक्षा, कला र मिडिया लगायतका क्षेत्रहरूमा महिला नेताहरूलाई वार्षिक रुपमा बोलाइन्छ । मन्त्रालयका अनुसार भ्रमणका दौरान राष्ट्रपतिले अवार्ड ग्रहण गर्ने र मन्तव्य दिनुहुने छ ।
राष्ट्रपतिको टोलीमा राष्ट्रपतिमा राष्ट्रपति कार्यालय र परराष्ट्र मन्त्रालयका वरिष्ठ अधिकारी सहभागी हुनेछन् । उहाँ कात्तिक २६ मा नेपाल फर्कने कार्यक्रम रहेको छ ।
