मा प्रकाशित
दाङ, मंसिर ४ । दाङको तुलसीपुर उपमहानगरपालिका वडा न १० को मावि पातुबनगाउँ केन्द्रको मतदानस्थल (ग) मा रहेको मतदान केन्द्रको कर्मचारीको गल्तीका कारण मतदान रोकिएको छ।
क्षेत्र नम्बर ३ मा पर्ने तुलसीपुर-१० को मावि पातुबनगाउँ केन्द्रको मतदानस्थल ( ग) मा मतदान अहिले रोकिएको छ।
उक्त मतदान केन्द्रकी मतदान अधिकृत पुष्पलता घर्तीले निर्वाचनमा खटिएका कर्मचारीहरूको गल्तीले प्रदेश सभाको मात्रै मतपत्र पठाइएकाले समस्या बताउनुभयो ।
पहिलो पटक ५० वटा मतपत्रको बन्डल पठाउँदा नबिग्रीएको र दोस्रो पटक सय वटाको बन्डल पठाउँदा सबै प्रदेश सभाको मतपत्र मात्रै बताउनुभयो । ४२ जनाले मत खसालिसकेपछि मात्र थाहा भएको र अब के गर्ने भन्ने विषयमा माथिल्लो निकायमा सोधिएको घर्तीले जानकारी दिनुभयो ।
