दाङ, १ पाैष ।
दाङकाे घाेराहीस्थित गाेदावरी इङलिस बाेर्डिङ स्कुलका यातायात सहचालकमाथि हातपात भएकाे छ ।
जिल्लाकाे घाेराही उपमहानगरपालिका वडा नं. १३ निवासी ४५ वर्षीया नन्दबहादुर खड्कालाई पैदल यात्रीले कुटपिट गरेकाे विद्यालयका प्रिन्सिपल हरि पाैडेलले जानकारी दिएका छन् ।
शुक्रबार बिहान ८:३५ बजे घाेराही १५ स्थित डिके पेट्राेल पम्म नजिक गाडी नजिकबाट लिएकाे भन्दै बसभित्रै पसी पैदल यात्री आमा छाेराले सहचालक खड्कालाई कुटपिट गरेका हुन् । ढुङ्गा प्रयाेग गरी खड्काकाे अनुहार र टाउकाेमा गहिराे चाेट पर्ने गरी कुटपिट गरेका हुन् । घाइते खड्काकाे राप्ती स्वास्थ्य विज्ञान प्रतिष्ठानमा उपचार भइरहेकाे छ ।
सहचालकलाई कुटपिट गर्ने कार्यमा संलग्न आमालाई नियन्त्रणमा लिई प्रहरीले घटनाकाे छानविन गरिरहेकाे छ भने छाेरा फरार रहेका छन् ।
प्याब्सन दाङका अध्यक्ष मधुसुदन केसी र सचिव आदिम केसीले एक विज्ञप्ति जारी गरी घटानाप्रति दुःख व्यक्त गर्दै दाेषीलाई कारवाहीकाे माग गरेका छन् ।
त्यस्तै प्याब्सन घाेराहीका अध्यक्ष बीरेन्द्र चन्द र सचिव बालकृष्ण ओलीले पनि एक विज्ञप्ति जारी गरी घटनाकाे भर्त्सना गर्दै दाेषीलाई कारवाहीकाे माग गरेका छन् ।
