दाङ, १० पुस ।
निजी तथा आवासीय विद्यालय अर्गनाइजेशन नेपाल (प्याब्सन) दाङ शाखाको आयोजनामा जिल्ला स्तरीय हाजिरी जवाफ तथा मेधावी छात्रा प्रतियोगिता हुने भएको छ ।
हरेक वर्ष प्याब्सन दाङले गर्दै आएको मावि (कक्षा १० सम्म) स्तरीय हाजिरी जवाफ कार्यक्रम यही पुस १५ गते शुक्रबार गर्ने भएको छ ।
हाजिरी जवाफका लागि इतिहास, भूगोल, साहित्य, जातजाति, धर्म संस्कृति, विज्ञान प्रविधि , खेलकुद, आइक्यु, समसामयिक तथा श्रव्य दृश्य लगायतका क्षेत्रबाट प्रश्न सोधिने प्याब्सन दाङका उपाध्यक्ष तथा अतिरिक्त क्रियाकलापका संयोजक चक्र रावतले जानकारी दिएका छन् । हाजिरी जवाफ प्रतियोगिता जिल्लको घोराहीस्थित जनज्योति विद्या मन्दिरमा हुने भएको आयोजक संस्थाले जनाएको छ ।
त्यस्र्तै प्याब्सन दाङको आयोजना, एपेक्स कम्प्युटर्सको प्रायोजन तथा गोरक्ष राष्ट्रिय दैनिकको मिडिया पाटनर्सिपमा आयोजना हुँदै आएको मेत्रावी छात्रा प्रतियोगिता यही पुस १६ गते शनिबारका दिन हुने भएको छ । मेधावी छात्रा प्रतियोगिता जिल्लाको तुलसीपुरस्थित तुलसी माविमा हुने आयोजक संस्थाले जनाएको छ ।
