काठमाडौँ, १२ माघ ।
नेकपा (माओवादी केन्द्र)को स्थायी कमिटी बैठक सुरु भएको छ । पार्टी केन्द्रीय कार्यालय पेरिसडाँडामा सुरु बैठकमा निर्वाचनको समीक्षा, गठबन्धन सरकारले गरिरहेका काम तथा विभिन्न पार्टीसँग गर्न लागिएको एकताका विषयमा छलफल हुने नेताहरूले बताएका छन् ।
उनीहरूका अनुसार आजको बैठकमा पार्टीको सङ्गठनात्मक गतिविधिलगायत समसामयिक विषयमा छलफल हुनेछ ।
गत निर्वाचनमा सङ्घीय संसदको तेस्रो ठूलो दल बनेको नेकपा माओवादी केन्द्रले अहिले सरकारको नेतृत्व गरिरहेको छ ।
चुनावमा काँग्रेससँग गठबन्धन गरेको माओवादीले चुनावपछि भने काँग्रेससँगको गठबन्धन तोडेर एमालेसँगको गठबन्धनमा सरकारको नेतृत्व गर्दै आएको छ ।