दाङ, २२ माघ ।
नेपाल विद्यार्थी संघ केन्द्रीय आयुर्वेद विद्यापीठ इकाई समितिले सामुदायिक स्वास्थ्य सर्वेक्षण गरेको छ ।
इकाई अध्यक्ष बसन्त अधिकारीको नेतृत्वमा रहेको नेविसंघ ईकाईको टोलीले घरघरमै पुगेर नागरिकको स्वास्थ्य समस्या रहे नरहेको सर्वेक्षण गरेको थियो ।
तुलसीपुर उपमहानगर पालिका वडा नम्बर १७ मानपुर क्षेत्रका नागरिकहरुको स्वास्थ्य अवस्था बुझ्न पुगेको टोलीले बिरामीहरुलाई आवश्यक स्वास्थ्य परामर्श समेत दिईएको ईकाई अध्यक्ष अधिकारीले जानकारी दिए । उनीहरुले घरघरमा पुगेर स्वास्थ्य समस्या भए नभएको बारे सोधेका थिए । यसका साथै स्वास्थ्य परीक्षण पनि गरेका थिए ।