दाङ, ९ चैत ।
दाङ जिल्ला उद्योग वाणिज्य संघको ५३ औ स्थापना दिवसमा अवसरमा अपाङ्ग संघ खगेन्द्र नव जीवन केन्द्र स्वर्गद्धारी दाङ शाखालाइ खाद्यान्न सहयोग गरेको छ ।
बिहीबार खगेन्द्र नव जीवन केन्द्र स्वर्गद्धारी दाङ शाखामा पुगेर खाद्यान्न सहयोग गरिएको हो ।
संघले ५ वोरा चामल, १ वोरा दाल, १ पेटी तेल, १ वोरा नुुन खगेन्द्र नव जिवन केन्द्र स्वर्गद्धारी दाङ शाखाका सभापति रुपा वलीलाई प्रदान गरेको हो ।
संघका अध्यक्ष, संस्थापक अध्यक्ष पुर्व अध्यक्ष तथा कार्य समितिका सदस्यहरुको सहभागितामा सहयोग प्रदान गरिएको थियो । केन्द्रलाई सानो भएपनि सहयोग पुगोस भनेर उद्योग बाणिज्य संघ
ले सहयोग गरेको संघका अध्यक्ष टंकसिंह बुढाथोकीले जानकारी दिए ।
सहयोग प्रदान गरेकोमा खगेन्द्र नव जीवन केन्द्र स्वर्गद्वारी दाङ शाखाका सभापति वलीले धन्यवाद ज्ञापन दिएकी थिइन् । उनले दाताहरुको सहयोगमा नै केन्द्रमा रहेका अपाङता भएका वालवालिकाहरुलाइ खानाको व्यवस्था गरिएको उनले बताइन् । केन्द्रमा अहिले ८ जना बस्दै आएका छन् ।