दाङ, चैत १४ ।
उच्च अदालत तुलसीपुरले शिक्षक सरुवाको विष्षयमा २१ गते छलफलमा बोलाएको छ ।
दाङको घोराही उपमहानगरपालिकाले ऐन नियम विपरीत दरबन्दी मिलान भन्दै गरेको शिक्षकहरुको सरुवाको कार्यान्वयन तत्काल नगरी चैत २१ गते दुवै पक्षलाई छलफलमा बोलाएको छ ।
आज मंगलबार उच्च अदालत तुलसीपुरल न्यायाधीश बविता उप्रेतीको एकल इजलाशले घोराही उपमहानगरपालिकालाई तत्काल सरुवाको निर्णय कार्यान्वयन नगर्न भन्दै छलफलमा बोलाएको हो ।
दरबन्दी मिलानको नाममा १ सय १ जनाको सरुवा गरेको बिरोधमा शिक्षकहरु तर्कबहादुर बस्नेत, गुरुप्रसाद डिसी लगायतका ७ शिक्षकले उच्च आदलत तुलसीपुर दाङमा सो सरुवाको विरुद्धमा सोमवार उत्प्रेषण, परामादेश र निषेधाज्ञा जारी गराई पाऊँ भनी मुद्दा दिएका थिए । गैर कानुनी रुपमा गरिएको सरुवाको बिरोधमा घोराही उपमहानगरपालिका सामाजिक विकास महाशाखा बिरुद्ध शिक्षकहरुले मुद्दा दायर गरेका थिए।
गत चैत ८ गते शिक्षकहरुको पेशागत साझा संगठन नेपाल शिक्षक महासंघ घोराहीका अध्यक्ष लगायत शिक्षकका पेशागत संघ, संगठनहरुसँग समन्वय र छलफल नै नगरी सरुवा गरिएको भन्दै शिक्षकरुले चरणबद्ध आन्दोलन सुरु गरेका छन ।
