मा प्रकाशित
काठमाडौँ, ६ वैशाख ।
राष्ट्रपति रामचन्द्र पौडेललाई थप उपचारका लागि भारत लैजाने तयारी भएको छ । राष्ट्रपति पौडेलको स्वास्थ्यमा सुधार नभएपछि उनलाई एअर एम्बुलेन्सबाट भारत लैजान लागिएको हो ।
राष्ट्रपति पौडेलका प्रेस सल्लाहकार किरण पौडेलका अनुसार पौडेललाई बुधबार बिहान साढे ९ बजे श्री एअरलाइन्सको एअर एम्बुलेन्समार्फत भारतको नयाँदिल्लीमा रहेको अल इन्डिया इन्स्टिच्युट अफ मेडिकल साइसेन्स (एम्स) मा लैजान लागिएको हो ।
