दाङ, १५ वैशाख ।
नारायणपुर उद्योग वाणिज्य संघको आयोजनामा वैशाख १४ गतेदेखि २६ गतेसम्म ‘चौथो नारायणपुर कृषि, पर्यटन तथा व्यापार महोत्सव–२०८०’ मा आज दोस्रो दिन विभिन्न कलाकारहरुले प्रस्तुति राखेका छन् ।
नारायणपुरमा हाटबजार व्यवस्थापनका लागि आयोजना गरिएको महोत्सवमा आज शुक्रबार गायक प्रेम शर्मा, शरद समीप, मिलन बुढा भीम लगायतले प्रस्तुति राखेका थिए । महोत्सवको दोस्रो दिनदेखिे रौनकता पनि बढेको सांस्कृतिक उपसमितिका संयोजक डिल्ली वलीले बताए ।
महोत्सवमा गायिका शर्मिला अर्यालले पनि प्रस्तुति राखेकी थिइन् । नृत्यङ्गनाहरु सीमा श्रेष्ठ, एलिसा बराल र एन्जिला श्रेष्ठ लगायतले नृत्य प्रस्तुत गरेका थिए ।
महोत्सवमा भोलि लोक गायक खुमन
नारायणपुर उद्योग वाणिज्य संघको आयोजनामा सञ्चालन ‘चौथो चौथो नारायणपुर कृषि, पर्यटन तथा व्यापार महोत्सव २०८०’ मा भोलि शनिबार लोक गायक खुमन अधिकारीको प्रस्तुति रहने छ ।
साथै भोलि महोत्सवको तेस्रो दिन गायक देवेन्द्र बस्नेत, गायिकाहरु अनु राना मगर, शर्मिला अर्यालको प्रस्तुतिसँगै नृत्यङ्गनाहरु एलिसा बराल, एन्जिला श्रेष्ठ र सीमा श्रेष्ठको प्रस्तुति रहने सांस्कृतिक उपसमितिका संयोजक वलीले जानकारी दिएका छन् ।
