आज राति १२ बजेदेखि प्रतिनिधिसभाको हिउँदे अधिवेशन अन्त्य

काठमाडौँ, १५ वैशाख ।
आज राति १२ बजेदेखि प्रतिनिधिसभाको हिउँदे अधिवेशन अन्त्य हुने भएको छ । कार्यवाहक राष्ट्रपति रामसहायप्रसाद यादवले संसदको हिउँदे अधिवेशन अन्त्य गरेका हुन् ।

कार्यवाहक राष्ट्रपति यादवले जारी गरेको सूचनामा भनिएको छ, ‘नेपालको संविधानको धारा ९३ को उपधारा (२) बमोजिम नेपाल सरकार, मन्त्रिपरिषद्को मिति २०८०/०१/१२ को सिफारिसमा संघीय संसद्को दुवै सदनको चालु अधिवेशन संवत् २०८० साल वैशाख १५ गते शुक्रबार राति १२ः०० बजेदेखि अन्त्य गरेको छु ।’