नारायणपुर, २० वैशाख ।
नारायणपुर उद्योग वाणिज्य संघको आयोजनामा सञ्चालन ‘चौथो नारायणपुर कृषि, पर्यटन तथा व्यापार महोत्सव २०८०’ मा एकल लाेक नृत्य प्रतियोगिता हुने भएकाे छ ।
स्थानीय स्तरमा रहेका कला प्रतिभालाई समेत अवसर प्रदान गर्ने उद्देश्यका साथ एकल लाेक नृत्य प्रतियोगिता आयाेजना गरिएकाे आयाेजकले बताएकाे छ ।
प्रतियोगितामा सहभागी हुनका लागि प्रतियाेगीले नाम दर्ता गराउनुपर्ने स्थानीय कलाकार उपसमितिका संयाेजक शरद समीपले जानकारी दिए ।
साथै प्रतियाेगितामा प्रथम पुरस्कार २० हजार, द्वितीय पुरस्कार १५ हजार, तृतीय पुरस्कार १० हजार र सान्त्वना पुरस्कार ५ हजार रहेकाे छ ।