कनिका संवाददाता
असार १९, दाङ
भारतमा पछिल्लो २४ घण्टामा कोरोना भाइरस कोभिड १९ का करिब २१ हजार नयाँ सङ्क्रमित थपिएका छन् । भारतको स्वास्थ्य मन्त्रालयका अनुसार पछिल्लो २४ घण्टामा भारतमा कोरोना भाइरसका २० हजार ९ सय ३ नयाँ सङ्क्रमित भेटिएका हुन् ।
यससँगै भारतमा कोरोना भाइरसबाट सङ्क्रमित हुनेको संख्या ६ लाख २५ हजार ५४४ पुगेको छ । कोरोना भाइरसबाट मृत्यु हुनेको संख्या पनि १८ हजार नाघेको छ । अहिलेसम्म भारतमा कोरोना भाइरसबाट मृत्यु हुनेको संख्या पनि १८ हजार दुइ सय १३ पुगेको छ । पछिल्लो २४ घण्टामा मात्र भारतमा कोरोना भाइरसको कारण तीन सय ७९ जनाको मृत्यु भएको छ । भारतको सबैभन्दा प्रभावित राज्य महाराष्ट्रमा अहिलेसम्म एक लाख ८६ हजार ६ सय २६ सङ्क्रमित फेला परेका छन् ।
यो राज्यमा अहिलेसम्म आठ हजार एक सय ७८ जनाको कोरोना भाइरसको कारण मृत्यु भइसकेको छ । भारतमा अहिलेसम्म तीन लाख ७९ हजार आड सय ९२ संक्रमित निको वा डिस्चार्ज भइसकेका छन् ।
