दाङ,२८ असार ।
लुम्बिनी प्रदेशका अर्थमन्त्री धनबहादुर मास्कीले पाल्पा दरबार सङ्ग्रहालयको अवलोकन गरेका छन् ।
सङ्ग्रहालयमा रहेको मगर, थारुलगायतको अवलोकन गरेका हुन् । प्रदेश सरकार मातहत रहेको उक्त सङ्ग्रहालयलाई थप ब्यबस्थित गर्नका लागि प्रत्येक बर्ष प्रदेश सरकारले बजेट ब्यबस्था गर्ने गरेको मन्त्री मास्कीले बताए ।
सङ्ग्रहालयमा परम्परागत सामग्री, रहनसहन राखिने भएकाले त्यसले पुर्खालाई नयाँ पुस्ताले पनि अध्ययन गर्ने पाउने उनको भनाई छ ।
सङ्ग्रहालय प्रवेशमा विद्यार्थीलाई रु ५, स्वदेशी नागरिकलाई १५, सार्क देशका नागरिकका लागि ५० र अन्य विदेशी नागरिकका लागि १०० लाग्छ । क्यामरा शुल्क नेपालीका लागि २५, सार्कका लागि ५० र अन्य देशका नागरिकका लागि १०० कायम गरिएको छ ।
सङ्ग्रहालयमा बुधबारदेखि आइतबारसम्म बिहान १० बजेदेखि ४ः३० सम्म र सोमबार बिहान १० बजेदेखि २ः३० सम्म सङ्ग्रहालय खुल्नेछ । मङ्गलबार भने बन्द रहने गरेको छ ।
