मा प्रकाशित
काठमाडौँ, ४ साउन ।
राजस्व अनुसन्धान विभागले करिब एक सय केजी सुन बरामद गरेको छ । विभागले त्रिभुवन अन्तर्राष्ट्रिय विमानस्थलबाट करिब एकसय किलो सुन बरामद गरेको हो । मोटरसाइकल र स्कुटरको ब्रेकसु तथा दाह्री काट्ने रेजरमा लुकाइ हङकङबाट तस्करी गरेर ल्याइएको सुन विभागले हिजो बरामद गरेको हो ।
विभागकाअनुसार सुन ओसारपसारमा संलग्न रहेका तीन जनालाई पक्राउ गरिएको छ । विमानस्थलबाट अध्यागमन र प्रहरीबाट समेत सुन पास भइसकेको अवस्थामा विभागले नियन्त्रणमा लिएको हो । विमानस्थलको भन्सार गेट अगाडिबाट ट्याक्सीमा हालेर लैजान लागेका बेला सुन बरामद भएको विभागले जनाएको छ ।
