मा प्रकाशित
काठमाडौँ, १० साउन ।
नेकपा एमालेले एक क्न्टिल सुन प्रकरणको छानबिन नगरेसम्म संसद चल्न नदिने घोषणा गरेको छ । एमालेका सांसदहरुले अवैध सुन प्रकरणको उच्चस्तरीय छानबिन समिति गठनको माग गर्दै प्रतिनिधि सभा बैठकमा रोष्ट्रम घेराउ गरेपछि आजको संसद अवरुद्ध भएको हो ।
उच्चस्तरीय छानबिन समिति गठन नगरेसम्म संसद चल्न नदिने एमालेको अडानसँगै सभामुख देवराज घिमिरेले संसद बैठक स्थगित गरी साउन १५ गते दिउँसो १ बजेका लागि आह्वान गरेका छन् ।
एमालेले सुन तस्करलाई तत्काल पक्राउ गर्न आग्रह गरेको छ । एमालेसँगै नेपाली कांग्रेसका सांसदहरुलेसमेत कारबाहीका लागि माग गरेका छन् । एमाले, कांग्रेससँगै राप्रपा र रास्वपाका सांसदहरुले गृहमन्त्री नारायणकाजी श्रेष्ठ र अर्थमन्त्री डा. प्रकाशशरण महतको राजीनामा मागेका छन् ।
