मा प्रकाशित
दाङ, १३ साउन ।
दाङमा ट्रक दुर्घटना हुँदा दुईजना घाईते भएको प्रहरीले जनाएको छ । घाइते हुनेमा लमही नगरपालिका २ निवासी १६ वर्षिय करुणा चौधरी र १८ वर्षिय रबिना चौधरी रहेको जिल्ला प्रहरी कार्यालय दाङका डीएसपी राजन गौतमले जानकारी दिएका छन् ।
प्रहरीका अनुसार बुटवलबाट तुलसीपुरतर्फ आउँदै गरेको ना ४ ख ८४८७ नम्बरको ट्रक लमही घोराही सडकखण्ड अन्तर्गत घोराही ३ मसाेटमा ब्रेक फेल भएर दुर्घटना भएको हो ।
घाइते दुवै जनाको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ ।
चालकलाई नियन्त्रणमा लिएर घटनाको अनुसन्धान भइरहेको प्रहरीले जनाएको छ ।
