मा प्रकाशित
कनिका डेस्क
असार २२, दाङ
स्पेनको उत्तर–पश्चिमी क्षेत्र गलिसियामा कोरोना भाइरसको सङ्क्रमण तीव्र गतिमा फैलिन थालेपछि पुनः लकडाउन जारी गरिएको छ । ७० हजार जनसंख्या रहेको गलिसियामा कोरोना सङ्क्रमणले तीव्रता लिएपछि हटाईएको लकडाउनलाई पुनः जारी गरिएको हो ।
अत्यावश्यक काम बाहेक घरबाट बाहिर ननिस्कन भन्दै सर्वसाधारणलाई सावधानी अपनाउन आग्रह गरिएको छ । यसअघि शनिवार मात्रै स्पेनको क्याटेलोनियामा पनि कोरोना सङ्क्रमण फेरि बढ्न थालेको भन्दै लकडाउन पुनः जारी गरिएको थियो । स्पेन युरोपकै तेस्रो कोरोना प्रभावित मुलुक हो । जहाँ हालसम्म २ लाख २८ हजारभन्दा बढी मानिसहरु सङ्क्रमित भएका छन् भने २८ हजार ३ सयभन्दा बढीको मृत्यु भइसकेका छन् ।
