शुक्रबार राति जाजरकोटलाई केन्द्रबिन्दु बनाएर गएको शक्तिशाली भूकम्पबाट घाइते भएकाको उपचारका लागि देशभरका विभिन्न निकाय सक्रिय रहेका छन् । जिल्ला विपद् व्यवस्थापन समिति बाँकेले पनि भेरी अस्पताललाई घाइतेको उपचारका लागि डेडिकेटेड अस्पतालका रुपमा स्थापना गर्ने निर्णय गरेको छ । आज शनिबार बसेको समितिको बैठकले यस्तो निर्णय गरेको हो ।
यस्ता छन् बैठकको निर्णयहरु
१ भुकम्पवाट भएको मानविय तथा भौतिक क्षतिलाई मध्यनजर गरि यस बाँके जिल्लावाट आवश्यक प्रतिकार्यका लागि सवै सयन्त्रलाई क्रियाशील राख्ने निर्णय गरियो ।
२ भेरी अस्पतालमा भुकम्पका कारण घाइते विरामीको उपचारका लागि dedicated अस्पतालको रुपमा स्थापना गर्ने निर्णय गरियो । साथै नेपालगंज मेडिकल कलेज लगायत सवै अस्पताललाई तयारी अवस्थामा राख्ने । विरामीका लागि रगतको अभाव हुन नदिन सवै स्वयमसेवकलाई रक्तदानका लागि अनुरोध गर्ने ।
३ भुकम्पवाट प्रभावित क्षेत्र तथा मानविय सहयोगका लागि अस्पताल समन्वयका लागि स्वास्थ्य कार्यालय बाँकेका जनस्वास्थ्य अधिकृत नरेश श्रेष्ठ र समन्वय तथा राहत व्यवस्थापनका लागि प्रशासकीय अधिकृत राम कुमार सोनकर र सूचना व्यवस्थापन अधिकृत रुपन ज्ञवालीलाई फोकल पर्सन तोक्ने ।
४ प्रारम्भिक सूचना अनुसार जाजरकोट तथा पश्चिम रुकुममा ठुलो मात्रामा जनधनको क्षति भएको जानकारी प्राप्त भएपश्चात थप खोज तथा उद्दार, उपचार, राहतकालागि सवैलाई अनुरोध गर्ने र हालसम्म तपशिल बमोजिमको सहयोगको प्रतिवद्दता व्यक्त भयो ।साथै राझा विमानस्थलमा रहेको मानविय सहायता कक्षमा जिल्ला विपद् व्यवस्थापन समिति बाँकेको राहत भन्डारण गरि परिचालन गर्ने ।
५ नेपालगञ्ज उपमहानगरपालिकाको तर्फवाट तत्काल राहत स्वरुप रु ४ लाख बरावरको खाद्यान्न र त्रिपाल, झुल, पिफर्म लगायत १०० जना परिवारको लागि पुग्ने सामग्री साथै मेडिकल टिम परिचालन गर्ने ।
६ कोहलपुर नगरपालिकाको तर्फवाट तत्काल राहत स्वरुप रु २ लाख बरावरको खाद्यान्न र औषधी उपलव्ध गराउने ।
७. राप्ती सोनारी गाँउपालिकाको तर्फवाट रु १ लाख वरावरको औषधि सामग्री र रु ५० हजार बरावरको खाद्यान्न र १ जना चिकित्सक सहितको टिम परिचालन गर्ने । साथै २० थान कम्मल र २० त्रिपाल सहयोग गर्ने ।
८ खजुरा गाँउपालिकाको तर्फवाट रु ३ लाख बरावरको औषधि सहयोग गर्ने ।
९ नेपाल रेडक्रस सोसाइटी बाँकेको समन्वयमा केन्द्रीय कार्यालय मार्फत जाजरकोट र पश्चिम रुकुममा ६०० थान कम्मल त्रिपाल र पिफर्म का दरले उपलव्ध गराउने ।
१० जिल्ला विपद् व्यवस्थापन समिति बाँकेको तर्फवाट तत्कालै १० थान टेन्ट, ५० थान त्रिपाल, ५० थान कम्मल उपलव्ध गराउने ।
११ केमिकल एण्ड मेडिकल एसोसेसन सप्लायर्स सर्जिकल प्रालिवाट ३५० केजि चिउरा र ९०० प्याकेट चाउचाउ उपलव्ध गराउने ।
१२ मानवीय सहायता साझेदारी मन्च (HHP) को सदस्य संस्था BEE Group बाँकेका तर्फवाट केयर नेपाल र AWO संस्थाको सहयोगमा २०० परिवारका लागि त्रिपाल, म्याट्रेस कम्मल सहयोग गर्ने ।
१३ नेपालगंज ग्रिन सिटिका तर्फवाट २५ बोरा चामल, चिउरा २०० केजि , ४०पेटी चाउचाउ सहयोग गर्ने ।
१४ चार सय थान कम्मल र त्रिपाल पठाइएको जानकारी भयो ।
१५. बाँके युनेस्को क्लवबाट भेरी अस्पतालका घाइते विरामीका लागि अन्जली माता रसोइ मार्फत ८० जनालाई निशुल्क रुपमा खाना सहयोग गर्ने ।
१६ मिति २०८० कार्तिक १७ गते राती जाजरकोट केन्द्रविन्दु बनाएर गएको भुकम्पबाट भएको मानविय क्षति भएकोले बैठकवाट मृतकप्रति श्रदान्जली व्यक्त गर्दै घाइतेहरुको स्वास्थ्यलाभको कामना गर्ने निर्णय गरियो ।
