मा प्रकाशित
विराटनगर, २० कार्तिक ।
कोशी प्रदेश सरकारमा नेकपा एमालेको समर्थन यथावत् रहने भएको छ । नेकपा एमालेले कोशी प्रदेश सरकारलाई दिएको समर्थन फिर्ता नलिने निर्णय गरेसँगै प्रदेश सरकारलाई एमालेको समर्थन रहने भएको हो ।
मुख्यमन्त्री केदार कार्कीले माओवादी केन्द्र र एकीकृत समाजवादीलाई सरकारमा सहभागी गराएपछि एमाले सरकारबाट बाहिरिएको थियो । एमाले सरकारबाट बाहिरिएसँगै सरकारलाई दिएको समर्थन फिर्ता लिने अनुमान राजनीतिक वृत्तमा छाएको थियो । एमालेबाट मन्त्री बनेका राम रानाले शनिबार राजीनामा दिएका थिए ।
