काठमाडौँ, २७ कार्तिक ।
नेपाल दूरसञ्चार प्राधिकरणले टिकटक बन्द गर्न इन्टरनेट सेवा प्रदायक संस्थाहरूलाई निर्देशन दिएको छ ।
मन्त्रिपरिषद्को आज बसेको बैठकले नेपालमा टिकटक बन्द गर्ने निर्णय गरेपछि प्राधिकरणले इन्टरनेट सेवा प्रदायकहरुलाई टिकटक बन्द गर्न पत्राचार गरेको हो ।
प्राधिकरणले ‘वर्ल्डलिङ्क’ लगायतका कम्पनीहरुले टिकटक आजदेखि नै बन्द गरिसकेको र बन्द हुन बाँकी कम्पनीलाई पत्राचार गरिएकोले छिट्टै सबै टिकटक बन्द हुने जानकारी दिए ।
इन्टरनेट सेवा प्रदायक र टेलिकम अपरेटर संस्थालाई पत्राचार भइसकेकाले छिट्टै टिकटक बन्द हुने प्राधिकरणको विश्वास छ । टिकटक बन्द गरेकोबारे मुख्यालयलाई पनि खबर गरिएको जनाइएको छ ।
‘मन्त्रालयको निर्देशन अनुसार टलिकमले पत्राचारको काम गरिसकेको छ । मन्त्रालयको पत्राचार बमोजिम २४ घण्टामा बन्द गरिसक्नुपर्ने छ । तर, दीपावली, नेपाल सम्बत र छट पर्वको सार्वजनिक विदा परकोले विदा पछि पनि यो कार्यन्यवयन हुन सक्छ ।’ सञ्चार मन्त्रालयले बताएको छ ।
