मा प्रकाशित
धनगढी, २ मङ्सिर ।
कैलालीको धनगढीमा गएराति भएको आगलागीबाट एक अस्पतालसहित आठ पसलमा क्षति पुगेकोे छ । आगलागीबाट धनगढीस्थित सारथी अस्पतालसहित ८ वटा पसलमा क्षति पुगेको हो ।
अस्पतालका बिरामीहरूलाई राति नै सुरक्षित स्थानमा सारिएको थियो भने अस्पतालका नजिकका उपकरणहरू बाहिर निकालिएका थिए।
धनगढी उपमहानगरपालिका–१ मा रहेको भण्डारी जनरल स्टोरमा विद्युत सर्ट भएर अचानक आगलागी भएको प्रहरीले जनाएको हो।
जिल्ला प्रहरी कार्यालय कैलालीका अनुसार गएराति एक बजेदेखि शुरु भएको आगलागी आज बिहान पूर्णरुपमा नियन्त्रणमा आएको छ ।
आगोबाट भएको क्षतिको विवरण सङ्कलन गर्ने काम भइरहेको प्रहरीले जनाएको छ ।
