मा प्रकाशित
नवलपरासी, ११ मङ्सिर ।
पूर्व प्रधानमन्त्री तथा नेपाली कांग्रेसका सभापति शेरबहादुर देउवाले राजतन्त्र फर्किने सम्भावना नरहेको बताएका छन् । नेपाली कांग्रेस नवलपुरको पहिलो जिल्ला सम्मेलनलाई सम्बोधन गर्दै सभापति देउवाले धर्मनिरपेक्षका बारेमा पार्टीमा छलफल गर्न सकिए पनि राजतन्त्र फर्किने कुनै सम्भावना नरहेको बताउँदै गणतन्त्र निर्विकल्प भएको बताएका हुन् ।
सभापति देउवाले नेपालमा राजतन्त्र कुनै पनि हालतमा नफर्किने बताएका छन् । जनताले संविधानमार्फत फालिसकेको राजतन्त्र फर्कने कुनै सम्भावना नभएको भन्दै देउवाले संघीयता र गणतन्त्रको विरुद्ध हुने कुनै पनि गतिविधि मान्य नभएको तर्क गरे ।
