दाङ, १२ मङ्सिर ।
प्रहरी समायोजनको माग लिएर सातवटै प्रदेशका गृहमन्त्रीहरु काठमाडौँ पुगेका छन् । प्रदेश गृहमन्त्रीहरुको प्रहरी समायोजनको माग गर्दै संयुक्त रुपमा प्रधानमन्त्री प्ष्पकमल दाहाल प्रचण्ड र गृहमन्त्री नारायणकाजी श्रेष्ठसँग भेट गर्ने कार्यक्रम रहेको छ ।
सातै प्रदेशका गृहमन्त्रीहरुलेले आज प्रधानमन्त्री पुष्पकमल दाहाल ‘प्रचण्ड’ लाई सिंहदरबारमा दिउँसो २ बजे संयुक्त रुपमा भेटघाट गर्ने छन् भने दिउँसो साढे तीन बजे गृहमन्त्री नारायणकाजी श्रेष्ठसँग भेटघाट गर्ने कार्यक्रम तय भएको गृहमन्त्रालयले जनाएको छ । प्रदेश सरकारले लामो समयसम्म पनि प्रदेश प्रहरी गठन हुन नसकेको भन्दै असन्तुष्टि जनाउँदै आएका छन् ।
प्रहरी समायोजन ऐन २०७६ साल माघ २८ गते नै राष्ट्रपतिबाट प्रमाणीकरण भए पनि केन्द्र सरकारले कार्यान्वयनमा आनाकानी गरिरहेको प्रदेश सरकारको गुनासो रहेको छ।
