मा प्रकाशित
दाङ । क्यान्सरबाट पीडित बलिउड अभिनेता जुनियर महमूदको निधन भएको छ ।
अभिनेता महमूदको उपचारका क्रममा ६७ वर्षको उमेरमा गएराति निधन भएको हो ।
उनी मुम्बईको परेलस्थित टाटा मेमोरियल अस्पतालमा उपचाररत् थिए । उनी चौथो चरणको पेटको क्यान्सरबाट पीडित रहेका थिए ।
महमूदका छोरा हसनेनले बुवाको निधनबारे पुष्टि गरेको भारतीय सञ्चारमाध्यमले जनाएका छन् ।
अभिनेता महमूदले हाथी मेरे साथी, मेरा नाम जोकर, हरे राम, हरे कृष्णलगायतका चर्चित फिल्ममा अभिनय गरेका थिए । उनले अभिनय गरेको हरे राम, हरे कृष्ण फिल्म नेपालमा पनि छायाँकन भएको थियो ।
