मा प्रकाशित
काठमाडौँ, २९ माघ ।
भोलि फागुन १ गते सार्वजनिक बिदा नरहेको सरकारले जनाएको छ । गृह मन्त्रालयले आज सोमबार एक विज्ञप्ति जारी गर्दै भोलि सार्वजनिक बिदा नरहेकबो बताएको हो ।
जारी विज्ञप्तिमा यसअघि सरकारले यसअघि सार्वजनिक बिदा घोषणा गरे पनि हाल बिदा कायम नरहेको उल्लेख गरिएको छ ।
यसअघि सरकारी क्यालेन्डरमा फागुन १ गते जनयुद्ध दिवसको बिदा दिएको उल्लेख गरेको थियो । सर्वोच्च अदालतले जनयुद्ध दिवस भनेर बिदा नदिन सरकारको नाममा अन्तरिम आदेश दिएको थियो ।
‘२०८० फागुन १ गते मंगलबारका लागि निर्धारण गरिएको सार्वजनिक बिदा कायम नरहेको व्यहोरा सम्वद्ध सबैको जानकारीका लागि अनुरो छ’, गृह मन्त्रालयका प्रवक्ता नारायणप्रसाद भट्टराईले जारी गरेको सूचनामा उल्लेख छ ।
