कनिका संवाददाता
साउन १, काठममाडौं
साना करदाताहरुले अब बैंकमार्फत् कर भुक्तानी गर्दा आय विवरण पनि बुझाउन सक्ने भएका छन् । २० लाख रूपैयाँसम्म कारोबार गर्ने करदाताका लागि सुरु गरिएको व्यवस्थाको अर्थमन्त्री डा युवराज खतिवडाले आज सुरुवात गर्नुभएको हो । वार्षिक २० लाख रूपैयाँसम्म कारोबार गर्ने त्यस्ता करदाताले बैंकबाट आय विवरण र कर रकम बुझाउने तथा विद्युतीय माध्यमबाट कर चुक्ता प्रमाणपत्र लिन सक्ने व्यवस्था मिलाइएको छ । आन्तरिक राजस्व विभाग र महालेखा नियन्त्रक कार्यालयले साउन १ गते अर्थात् आजदेखि साना करदाताले आफ्नो विवरण र कर बैंकबाटै भुक्तानी गर्न सक्ने र बक्यौता नभएका करदताले प्रणालीबाटै कर चुक्ता प्रमाणपत्र प्राप्त गर्न सक्ने गरी प्रणाली विकास गरिएको छ । जस अनुसार बैंकमा भौचरसँगै करदाताले आफ्नो आय विवरण पेश गर्न सक्ने र पैसा तिर्न सक्नेछन् । उनीहरूलाई प्रणालीले कर चुक्ता प्रमाणपत्र समेत दिनेछ ।
मा प्रकाशित
