भारतमा कोरोना सङ्क्रमित हुनेको दर दिन दिनै बढ्यो

कनिका डेस्क
साउन १, दाङ
कोरोना भाइरसको केन्द्रबिन्दु बनेको दक्षिण एशियाली मुलुक भारतमा कोरोना सङ्क्रमणको दर प्रत्येक दिन बढ्दै गएको छ । भारतीय स्वास्थ्य मन्त्रालयका अनुसार भारतमा कोरोना सङ्क्रमित हुनेको दर प्रत्येक दिन नयाँ रेकर्ड कायम हुँदैछ । कोरोनाका कारण सङ्क्रमित हुनेमा विश्वकै तेस्रो मुलुक भारतमा पछिल्लो २४ घन्टामा भारतमा ३२ हजारभन्दा बढी नयाँ कोरोना सङ्क्रमित थपिएका छन् । ३२ हजार ६ सय ९५ जनामा कोरोना सङ्क्रमण पुष्टि भएसँगै भारतमा कोरोनाका कारण सङ्क्रमित हुनेको संख्या ९ लाख ७० हजार नाघेको छ । यस्तै पछिल्लो २४ घन्टामा ६ सय ६ जनाको मृत्यु भएको छ । योसँगै भारतमा कोरोना सङ्क्रमणका कारण मृत्यु हुनेको संख्या २४ हजार ९ सय ३५ पुगेको छ । भारतमा कोरोनाका कारण सङ्क्रमित भएकामध्ये ६ लाखभन्दा बढी स्वस्थ पनि भइसकेका छन् ।