मा प्रकाशित
दाङ, ४ जेठ ।
दाङकाे बेलझुण्डीमा यात्रुबाहक बस दुर्घटना भएकाे छ । यात्रुबाहक बस आज बेलुका अन्दाजी ५: ४५ तिर दुर्घटना भएकाे हाे ।
दाङबाट काठमाडौं जाँदै गरेकाे प्र ३ – ०१००६ ख ०९७५ नम्बरकाे यात्रुबाहक बस तुलसीपुर – घाेराही सडकखण्डकाे बेलझुण्डीमा दुर्घटना भएकाे हाे ।
दुर्घटनामा परी १५ जना घाइते भएका छन् । घाइतेहरूको प्रादेशिक अस्पताल तुलसीपुरमा उपचार भइरहेकाे छ ।
अर्काे यात्रुबाहक बसलाई ओभरटेक गर्ने क्रममा बस दुर्घटना भएकाे प्रत्यक्षदर्शीहरूले जनाएका छन् ।
घटनाबारे थप जानकारी आउन बाँकी छ ।
