गरिबी निवारणका लागि लघु उद्यम विकास कार्यक्रम कालिकोटमा सम्पन्न – Kanika Khabar
Tuesday, April 20Nepali News Portal

गरिबी निवारणका लागि लघु उद्यम विकास कार्यक्रम कालिकोटमा सम्पन्न

    मा प्रकाशित

कनिका संवाददाता
साउन २, कालिकोट
हाब्रे संरक्षण परियोजना २०२० गरिबी निवारणका लागि लघु उद्यम विकास कार्यक्रम कालिकोटमा सम्पन्न भएको छ । हिमालयन सामुदायिक स्रोत विकास केन्द्र कालिकोटको कार्यालयमा हिजो परामर्श बैठक तथा बार्षिक संस्थागत समिक्षा कार्यक्रम गरिएको हो । नेपाल लगायत भारत, भुटान, चीन र म्यानमार बर्माको हिमाली जङ्गलहरुमा पाइने हाब्रे (रेड पाण्डा) एउटा लजालु र रहस्यमय जनावर हो । पाण्डा नाम एउटै भएको सुनिएपनि चिनियाँ पाण्डा र रेड पाण्डा फरक फरक प्रजाति रहेको विज्ञ बताउँछन् । पछिल्लो २० बर्षमा हाब्रेको संख्या ५० प्रतिशतले घटेको पाइएको र यसको संख्या प्राकृतिक अवस्थामा १०,००० को हाराहारीमा रहेको पाइएको छ । वन विनाश र चोरी शिकारी तथा अवैध व्यापारले हाब्रेको अस्तित्व ठुलो संकटमा रहेको हुँदा संरक्षण गर्नुपर्ने सरोकारवालाले बताएका छन् । समुदायमा आधारति हाब्रे संरक्षण कार्यक्रम नेपालको १० वटा जिल्लामा सञ्चालन भइरहेको छ । इलाम, पाँचथर, ताप्लेजुङ, जुम्ला, जाजरकोट, कालिकोट, रुकुम –पूर्व),रुकुम (पश्चिम), रोल्पा र डोल्पा जिल्लामा यो कार्यक्रम सञ्चालन भइरहेको छ । नेपाल सरकार वन मन्त्रालय र रेड पाण्डा नेटववर्कले सन २०१६ मा गरेको राष्ट्रिय सर्बेक्षण अनुसार हाब्रे नेपालको २५ जिल्लामा पाइन्छ । रेड पाण्डा नेटवर्कले २५ मध्ये १० जिल्लामा काम गर्दै आएको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्