मा प्रकाशित
दाङ, २७ जेठ ।
लुम्बिनी प्रदेश बुद्धिचाल संघको आयोजनामा सम्पन्न यु–१५ प्रदेश स्तरीय बुद्धिचाल प्रतियोगितामा दाङको घोराहीस्थित गोरखा इन्टरनेसनल पब्लिक सेकेन्डरी स्कुल घोराहीकी खुशी बाँठा तृतीय भएकी छिन् । शुक्रबार र शनिबार नेपालगन्जमा सम्पन्न भएको प्रतियोगितामा खुशी छात्रातर्फ प्रदेश तृतीय भएकी हुन् ।
दाङ जिल्ला स्तरीय प्रतियोगितामा प्रथम भई प्रदेश स्तरीय प्रतियोगितामा सहभागी भएकी खुशी अब राष्ट्रिय स्तरको प्रतियोगितामा सहभागी हुने छिन् । कक्षा १० मा अध्ययनरत खुशी लुम्बिनी प्रदेशको प्रतिनिधित्व गर्दै छात्रातर्फ राष्ट्रिय स्तरको प्रतियोगितामा सहभागी हुने आयोजक संस्थाले जनाएको छ ।
राष्ट्रिय प्रतियोगिता यही जेठ ३०, ३१ र ३२ गते पोखरामा हुने छ ।
