मा प्रकाशित
काठमाडौँ, १ असार ।
जावलाखेलमा बेहोस अवस्थामा भेटिएका एक दम्पतीको मृत्यु भएको छ । उनीहरूको हिजो राति साढे ९ बजे मृत्यु भएको जिल्ला प्रहरी कार्यालय ललितपुरले जनाएको छ ।
मृत्यु हुनेमा सिन्धुपाल्चोक घर भई हाल ललितपुरको जावलाखेल बस्दै आएका २५ वर्षीय उमेश सेन्चुरी र उनकी श्रीमती २५ वर्षकै रेणु सेन्चुरी रहेको जिल्ला प्रहरी कार्यालय ललितपुरले जानकारी दिएको छ ।
बेहोस अवस्थामा फेला परेका उनीहरूलाई उपचारका लागि पाटन अस्पताल पुर्याइएको थियो । त्यहीँ उनीहरूलाई चिकित्सकले मृत घोषणा गरेको प्रहरीले जनाएको छ ।
उमेश र रेणु बेहोस रहेको अवस्थामा कोठामा पुग्दा उनीहरू नजिकै झोलिलो पदार्थ रहेको बोतल भेटिएको प्रहरीले बताएको छ । घटनाबारे थप अनुसन्धान भइरहेको प्रहरीलदे बताएको छ ।
